2. 9 juillet 1612. Quittance pour Jeannicque et Agnette de MINBIELLE contre Jeanne du FOURG et Jean de LAPEYRE

Comme soit ainsy que cy devant Gailhard de TIBAILLOLE, Jeannicque et Agnette de MINBIELLE feussent obligés d'envers Jeanne du FOURG et Jean de LAPEYRE entre autres choses de la somme de quatre vingtz dix livres / tournoises pour les causes et raisons contenues au contrat obligatoire sur ce faict et retenu par moy notaire. C'est ainsy que aujourdhuy neufvièsme du mois de juillet mil six cent douze après midy / à Oeyregabe et maison du Vergier par devant moy notaire royal soubz signé présents les tesmoings bas nommés ont esté présentes lesdites de MINBIELLE habitantes dudit Oeyregave, lesquelles de leurs franches / volontés ont paié baillé et delivré comptant sur le passement des présentes auxdits du FOURCG et de LAPEYRE illec présents et acceptant ladite somme de quatre vingtz dix livres tournoises et ce en pièces de sedze souls / et autre monoye corssable au présent pais qui ont esté comptés et nombrés et par lesdits du FOURCG et de LAPEYRE prins et retenus de manière qu'ilz s'en sont contentés et on ont acquitté auxdites de MINBIELLE / auxquelles promettent tenir bonne et valable la présente quittance envers et contre tous à peyne de tous despens domaiges et intrestz et ce soubz obligation et ypotêcque de leurs / personnes et biens qu'ilz ont soubzmis aulx juridictions des cours presidialle d'Acqs seneschal des Lannes audict siège et autres qu'il appartiendra et ainsi l'ont promis. Faict en / présence de Jeanlobon DACHARY et Jean du CANTON laboureurs habitants dudict Oeyregave tesmoings à ce appellés, lesquels de LAPEYRE et du CANTON se sont signés à la cède des présentes, ce que / n'ont faict les autres pour ne scavoir comme ont dict de ce sommés par moy, Jean de

MARMAYOUR notaire

royal